कोलम्बो– श्रीलंकामा भएको श्रृङ्खलाबद्ध बम आक्रमणमा डेनमार्कका अर्बपति आन्दे्रज होल्क पोभ्ल्सेनका ३ सन्तानको मृत्यु भएको खुलासा भएको छ ।
पहिरन ब्राण्ड एसोसका प्रमुख कार्यकारी रहेका उनका चारमध्ये तीन सन्तानको श्रीलंकामा भएको श्रृङ्खलाबद्ध आक्रमणमा ज्यान गएको उनका प्रवक्ताले जनाएका छन् ।
अन्तर्राष्ट्रिय पहिरन ब्राण्ड बेस्टसेलरका मालिक समेत रहेका पोभ्ल्सेनका मारिने सन्तानको नाम र पहिचान भने सार्वजनिक गरिएको छैन ।
आइतबार श्रीलंकामा भएको श्रृङ्खलाबद्ध बम आक्रमणबाट मारिनेको सङ्ख्या २ सय ९० पुगेको जनाइएको छ जसमा ३६ जना विदेशी नागरिक छन् ।
धेरै मृतक विदेशी नागरिकको पहिचान हुन अझै बाँकी रहेको बीबीसीले जनाएको छ ।
प्रतिक्रिया