काठमाडौं– भारतमा भ्रमणमा रहेको नेपाली यू-१९ क्रिकेट टोली आध्र प्रदेशसँग पराजित भएको छ । शुक्रबार भएको अभ्यास खेलमा नेपाल आन्ध्र प्रदेशको यू—१९ टोलीसँग ७२ रनको फराकिलो अन्तरले पराजित भएको हो ।

आन्ध्र प्रदेशले दिएको २९० रनको लक्ष्य पछ्याएको नेपाली टोलीले ४५.२ ओभरमा सबै विकेट गुमाएर २१७ रनमा समेटिएको थियो ।
नेपालका कप्तान रोहितकूमार पौडेल, सन्दीप जोरा र कमलसिंह ऐरी लगएत मुख्य खेलाडीले आराम पाएको अभ्यास खेलमा नेपाली टोली पराजित भएको हो ।

नेपालले २ सय १७ रन बनाउने क्रममा पवन सरार्फले ३५, राशिद खानले अविजित ३४, कुसल मल्ल ३० रन र आसिफ शेख २५, अभिषेक बस्नेत २३, रित गौतम २१ र लोकेश बमले १६ रन बनाएका थिए ।

पहिलो ब्याटिङ गरी २ सय ८९ रन बनाएको आध्रा प्रदेशलाई बुधबार भएको पहिलो अभ्यास खेलमा नेपालले ६२ रनले पराजित गरेको थियो । आईसीसी यू—१९ विश्वकप क्रिकेटको एसिया छनोटको विशेष तयारीका रुपमा नेपाली टोली भारत गएको हो ।

छनोट खेल अप्रिल १० देखि २० सम्म हुनेछ । उक्त प्रतियोगितामा नेपालसहित, मलेसिया, सिंगापुर, युएई, कुवेत र ओमन रहेका छन् ।