काठमाडौं –बिग बास लिग (बीबीएल) क्रिकेटमा टिम मेलबर्न स्टार्सबाट खेलिरहेका नेपाली लेगस्पिनर सन्दीप लामिछानेले होर्बट हुरिक्यान्सविरुद्ध एक विकेट लिएका छन् ।

मेलबर्नले दिएको १ सय ६४ रनको लक्ष्य पछ्याएको हुरिक्यान्सका लागि क्रिजमा टिकेर खेलिरहेका कालेब जेवेलको विकेट सन्दीपले लिएका हुन् ।

सन्दीपले कालेवलाई २१ बलमा २५ रन बनाएर खेलिरहँदा आउट गराएका हुन् ।

सन्दीपले उनलाई क्लिन्ट हिन्चिलिफको हातबाट क्याच गराएका हुन् । योसँगै बिग बासको यो सिजनमा सन्दीपको विकेट संख्या २ पुगेको छ ।
हुरिक्यान्सविरुद्ध सन्दीपको बलिङ सम्हालिएर गरिरहेका छन् । उनले २ ओभर बलिङ गर्दा मात्रै ५ रन खर्चेर १ विकेट लिएका छन् ।
ताजा अवस्थामा हुरिक्यान्सले ११ ओभर जारी रहँदा ६ विकेट गुमाएर ६२ रन बनाएको छ ।