दोलखा- दोलखाको कालिञ्चोक गाउँपालिकाको स्कारपियो गाडी दुर्घटना हुँदा कालिञ्चोक गाउँपालिकाका प्रमुख प्रशासकीय अधिकृतसहित पाँच जना घाइते भएका छन् ।

दुर्घटनामा परी प्रमुख प्रशासकीय अधिकृत नवराज ओलीसहित कानूनी सल्लाहकार राजेन्द्रनारायण श्रेष्ठ, कर्मचारी राम ओली, सरिता वली र खड्ग थामी घाइते भएको जिल्ला प्रहरी कार्यालय दोलखाले जनाएको छ ।

कालिञ्चोक गाउँपालिकाको वा२झ ४३५९ नंको स्कारपियो गाडी सिँगटीबाट चरिकोट आउने क्रममा सुनखानीमा आज दिउँसो दुर्घटना भएको थियो ।

दुर्घटनामा परी घाइते भएका श्रेष्ठ, थामी र वलीको चरिकोटस्थित प्राथमिक उपचार केन्द्रमा उपचार भइरहेको छ । अन्य दुई जना सामान्य घाइते रहेको प्रहरीले जनाएको छ ।दुर्घटनाभएकोकगाडी प्रमुख प्रशासकीय अधिकृत आफैँले चलाएका थिए ।