काठमाडौं– प्रदेश नम्बर ५ को शिक्षा विकास निर्देशनालयमा कार्यरत सव–इन्जिनियर सन्दीप पौडेलविरुद्ध भ्रष्टाचार मुद्दा दायर भएको छ ।

१ लाख २० हजार रुपैयाँ घुससहित पक्राउ परेका पौडेल विरुद्ध अख्तियार दुरुपयोग अनुसन्धान आयोगले शुक्रबार विशेष अदालत काठमाडौंमा मुद्दा दायर गरेको हो ।

विद्यालयको भवन निर्माण कार्य सम्पन्न भइ अन्तिम किस्ता वापतको रकम निकासा गर्ने प्रयोजनका लागि लिएको १ लाख २० हजार रुपैयाँ घुससहित अख्तियारको टोलीले सव–इन्जिनियर पौडेललाई पक्राउ गरेको थियो ।

अनुसन्धानका क्रममा सव–इन्जिनियर पौडेलले १ लाख २० हजार रुपैयाँ घुस लिएको पृष्टि भएपछि उनीविरुद्ध विशेष अदालतमा मुद्दा दायर गरिएको अख्तियार दुरुपयोग अनुसन्धान आयोगका केन्द्रीय प्रवक्ता प्रदीप कोइरालाले जानकारी दिए ।

अख्तियारले पौडेलविरुद्ध १ लाख २० हजार रुपैयाँ बिगो कायम गरी बिगोअनुसारको जरिवाना र अधिकत्तम १ वर्षसम्म कैद सजाय मागदाबी गरेको छ ।