काठमाडौं– १३ औं दक्षिण एसिशयाली खेलकुद (साग) प्रतियोगिता अन्तर्गत पुरुष फुटबलमा नेपालले बंगलादेशसँग आफ्नो पहिलो खेल खेल्ने भएको छ ।
नेपालले मंसिर १५ गते बंगलादेशसँग पहिलो खेल दशरथ रंगशालामा खेल्ने भएको हो । त्यस्तै नेपालले दोस्रो खेल १९ गते भुटानसँग खेल्ने छ ।
समूह एमा नेपालसहित बंगलादेश र भुटान रहेका छन् भने समूह बीमा भारत, माल्दिभ्स र श्रीलंका रहेका छन् ।
विजेता र उपविजेता सेमिफाइनलमा प्रवेश गर्नेछन् ।
समूह एको विजेताले समूह बीको उपविजेता र समूह बीको विजेताले समूह एको उपविजेतासँग सेमिफाइन खेल खेल्नेछन् । सेमिफाइनल खेल २२ गते हुनेछ ।
फाइनल खेल मंसिर २४ गते हुनेछ ।
प्रतिक्रिया