बैतडी– बैतडीको दशरथचन्द नगरपालिका परिसरमा चट्याङ प्रतिरोधी प्रणाली र पहिरो पूर्वसूचना प्रणाली जडान गरिएको छ ।
विपद्को जोखिम कम गर्न र चटयङबाट हुने क्षति कम गर्न यस्तो प्रणाली जडान गरिएको नगरपालिकाले जनाएको छ । परीक्षणका लागि यो प्रणालीलाई नगरपालिका परिसरमा जडान गरिएको छ ।
जडान गरिएको प्रतिरोधी प्रणालीबाट ५० मिटर वरपर चट्याङको जोखिम नहुने भूगर्भशास्त्री डा रञ्जनकुमार दाहालले बताए ।
त्यस्तै वर्षात्को समयमा पहिरो जान लागेको खण्डमा सूचना दिन प्रविधिसहितको पूर्व सूचना प्रणालीसमेत जडान गरिएको छ ।
पहिरो जाने सम्भावना भएमा घण्टी बज्ने र पहिरोको जोखिम र क्षतिबाट बच्न सकिने डा दाहालको भनाइ छ ।
प्रतिक्रिया