काठमाडौं- विश्वकै अग्लो भवन बुर्ज खालिफामा नेपालको राष्ट्रिय झण्डा फरफराएको छ ।

नेपालको संविधान दिवसको अवसरमा बुर्ज खालिफामा नेपाली झण्डा फरफराइएको हो ।

यूएईका लागि नेपाली राजदूत कृष्णप्रसाद ढकालका अनुसार सरकारको अनुमतिमा १ मिनेटसम्म बुर्ज खलिफाको भवनमा नेपाली झण्डा फहराइएको हो ।

संविधान दिवस तथा राष्ट्रिय दिवस २०७६ को सुखद अवसरमा संयुक्त अरब इमिरेट्सको दुबईमा रहेको संसारकै अग्लो भवनमा पहिलो पल्ट नेपालको राष्ट्रिय झन्डा झलमलायो (Light up भयो ।हाम्रो अनुरोधलाई स्वीकार गरी यस अभूतपूर्व कार्यमा सहयोग गर्ने संयुक्त अरब इमिरेट्स सरकारलाई हार्दिक धन्यवाद pic.twitter.com/ayWrhjyUmP

— Krishna Prasad Dhakal (@krishnadhakal07) September 20, 2019

यूएईको स्थानीय समयअनुसार शुक्रबार साँझ ९:१० (नेपाली समय १०:५५)बजे मा संयुक्त अरब इमिरेट्सको दुबईस्थित संसारकै सबैभन्दा अग्लो भवनमा पहिलो पटक फहराइएको हो ।

संसारको अग्लो भवन बुर्ज खलिफामा नेपाली झण्डा फहराउँदा नेपाली पहिचान, नेपालले तय गरेको पर्यटन वर्ष २०२० लाई समेत सहयोग पुग्ने विश्वास लिएको बताए ।

बुर्ज खालिफामा नेपाली झण्डा फरफराएपछि यूएईमा रहेका नेपालीले खुसीयाली मनाएका थिए ।