काठमाडौं – फिल्म ‘कप्स’ को रोमान्टिक गीत सार्वजनिक गरिएको छ । निर्माण टिमले युट्युबमार्फत ‘तिमी र म’ बोलको गीत सार्वजनिक गरेको हो ।
अनुपविक्रम शाही र सन्दिपा लिम्बुलाई फिचरिङ गरिएको फिल्मको उक्त गीतमा शिशिर खातीको कोरियोग्राफी छ ।
राम शाक्यले निर्माण गरेको यो फिल्मलाई सम्राट सापकोटाले निर्देशन गरेका हुन् । सार्वजनिक गरिएको गीतमा संगीत र शब्द विजय घिमिरेको छ भने स्वरमा विजयलाई नितु घिमिरेले साथ दिएकी छिन् ।
फिल्ममा अनुप र सन्दिपासँगै अमित गिरी, रामराज क्षेत्री, सुन्दर श्रेष्ठ, अनुपमा भण्डारी लगायतले अभिनय गरेका छन् ।
प्रतिक्रिया