काठमाडौं– आईसीसी महिला ट्वान्टी–२० विश्वकपको एसिया छनोट प्रतियोगिताअन्तर्गतको दोस्रो खेलमा नेपाली महिला टिम थाईल्याण्डसँग पराजित भएको छ । नेपाली टिम थाईल्याण्डसँग ५७ रनले पराजित भयो ।

पहिले ब्याटिङ गरेको थाईल्याण्डले नेपाललाई १ सय २५ रनको लक्ष्य दिएको थियो । मध्यमखाले लक्ष्य पछ्याएर मैदान उत्रिएको नेपाली महिला टिमले २० ओभर खेल्दा ८ विकेट गुमाएर ६७ रन मात्रै बनाउन सक्यो ।

नेपालका लागि इन्दु बर्माले ४४ बलमा २९ तथा सीता रानामागरले ३८ बलमा १८ रन बनाउनुबाहेक अन्य ब्याट्सम्यानले दोहोरो अंक समेत छुन सकेनन् ।

थाईल्याण्डसँगको हारले नेपालका लागि आईसीसी महिला ट्वान्टी–२० विश्वकपको ग्लोबल छनोट खेल्ने संभावना कमजोर भएको छ ।

जारी छनोट प्रतियोगिताको बिजेता बनेको टिमले आईसीसी ट्वान्टी–२० विश्वकपको छनौट खेल्न पाउने छ ।