मुम्बई – केही समयअघि बलिउडका चर्चित निर्माता करण जोहरको घरमा हाउस पार्टी दिने गरी केही सेलिब्रेटीलाई आमन्त्रण गरिएको थियो । यो पार्टीमा दीपिका पादुकोण, अर्जुन कपूर, विक्की कौशल, शाहिद कपूर लगायत कैयन् हस्ती थिए ।

करण जोहरले पार्टीको एक भिडियो सामाजिक सञ्जालमा शेयर गरे । उक्त भिडियोपछि उनले विवादको सामना गर्नुप–यो । करणमाथि आरोप लाग्यो कि, उनले घरमा फिल्मका सेलिब्रेटीलाई बोलाएर ‘ड्रग पार्टी’ दिए ।

पार्टीमा ती कलाकार नशामा झुमेका थिए । यसबारेमा करणले खुलासा गरेका छन् ।

करणले एक अन्तर्वार्तामा यो आरोपको खण्डन गरे । उनले भने, ‘मेरो पार्टीमा यो क्षेत्रका कैयन् ठूला कलाकार थिए, मैले पूरै इमान्दारिताका साथ उक्त भिडियो बनाएको थिएँ, यदि मेरो पार्टीमा ड्रगको प्रयोग गरिएको हुन्थ्यो भने मैले भिडियो किन शेयर गर्थेँ? म बेवकुफ छैन ।’

करणलाई अर्को प्रश्न सोधियो, जसमा विक्की कौशलले ड्रग पाउडर प्रयोग गरेको भनेर अड्कल काटिएको थियो । यसमा उनले भने, ‘विक्की कौशल उक्त समय डेंगुको बिमारीबाट ग्रसित थिए, उनले कागतीसँग तातो पानी पिइरहेका थिए, त्यो एउटा पारिवारिक र सामाजिक ग्यादरिङ थियो ।’

उनले सबैले आफ्ना साथीसँग बसेर रमाइलो गरिरहेको, गीत सुनेको र कुराकानी गरेको तर ड्रग नलिएको बताए । करणले भिडियो बनाउनुको ५ मिनेट अघिसम्म आफ्नी आमा पनि त्यहीँ भएको दाबी गरे ।