काठमाडौं– सुन जस्तो देखिने पहेँलो धातुसहित काठमाडौंको नागढुङ्गाबाट १ जना पक्राउ परेका छन् ।
महानगरीय प्रहरी वृत्त थानकोटबा खटिएको प्रहरीको टोलीले सुनजस्तो देखिने २ किलो पहेँलो धातुसहित १ जनालाई पक्राउ गरेको हो ।
पक्राउ पर्नेमा रसुवाको गोसाइँकुण्ड गाउँपालिका–५ स्याप्रुवेसी घर भएका १७ वर्षीय मिन बहादुर तामाङ छन् ।
प्रहरीले विशेष सूचनाका आधारमा चेकजाँच गर्दा लु२प ६५२ नम्बरको मोटरसाइकलमा सवार तामाङको साथबाट सुनजस्तो देखिने पहेँलो धातु बरामद गरेको हो ।
प्रहरीका अनुसार तामाङले कालो टेपले बेरेर कम्मरमा बाँधेर उक्त धातू काठमाडौंतर्फ ल्याउँदै थिए ।
प्रतिक्रिया