काठमाडौं– काठमाडौं महानगरपालिकाले ट्याक्सीका लागि पार्किङ क्षेत्र तोक्ने भएको छ ।

विभिन्न क्षेत्रमा पार्किङको समस्या देखिएकाले महानगरले पार्किङका लागि विशेष क्षेत्र तोक्न लागेको हो ।

जथाभावी रुपमा ट्याक्सी पार्किङ हुँदा सडकको सौन्दर्यता नै हराएको र जाम बढ्दै गएकाले निश्चित स्थानमा पार्किङ को व्यवस्था गर्न लागेको महानगरपालिकाले जनाएको छ ।

ट्याक्सी पार्किङ क्षेत्र अन्तर्गत पहिलो चरणमा पुरानो बसपार्क र नयाँ बसपार्क क्षेत्रमा पार्किङ क्षेत्र निर्धारण गरिने महानगरपालिकाका प्रवक्ता इश्वरमान डंगोलले जानकारी दिए ।

‘आपत्तकालिन अवस्थामा ट्याक्सी खोज्दै हिँड्नुपर्ने अवस्थाको अन्त्य हुन्छ’ उनले भने ‘फोनबाटै ट्याक्सी चालकलाइ बोलाउन सकिन्छ’ । साथै सुविधाका लागि ट्याक्सीलाई टोल फ्रि नम्बर उपलब्ध गराइने समेत उनले बताए ।

काठमाडौंका विभिन्न स्थानमा ट्याक्सी क्षेत्र निर्धारण नगर्दा यात्रुले सास्ती खेप्नुपरेको छ । सडकमा गुडीरहेको ट्याक्सीलाइ हात हल्लाउँदै बोलाउनुपर्ने यात्रुको बाध्यता छ । त्यसैकारण महानगरपालिकाले ट्याक्सी पार्किङ क्षेत्र निर्धारण गर्न लागेको हो ।