काठमाडौं– त्रिभुवन अन्तर्राष्ट्रिय विमानस्थलमा सरुवा भएको ४ महिनामै विमानस्थल प्रहरी प्रमुख (डीआईजी) सूर्य उपाध्यायलाई प्रहरी प्रधान कार्यालय तानिएको छ।

डीआईजी उपाध्याय साउन ९ गते विमानस्थलमा हाजिर भएका थिए ।

महानगरीय प्रहरी कार्यालयमा डीआईजी विश्वराज पोखरेलको सरुवा भएपछि उनी असन्तुष्ट थिए । गृह मन्त्रालयले बुधबार गरेको दुई डिआइजीको सरुवा विवाद देखिएको थियो ।

जुनियरको कमान्डमा सिनियरलाई राखेपछि विवाद भएको श्रोतको दाबी छ । सरुवामा महानगरीय प्रहरी कार्यालय, रानीपोखरीमा डिआइजी विश्वराज पोखरेललाई खटाइएको थियो । महानगरीय प्रहरी कार्यालयअन्तर्गतको महानगरीय विमानस्थल सुरक्षा कार्यालयमा पोखरेलभन्दा सिनियर डिआइजी सूर्य उपाध्याय हुन् । असन्तुष्टिकाबीच उनी ६ दिनको घर बिदामा छन् ।

बुधबार गृहमन्त्रीस्तरीय निर्णय गर्दै महानगरीय प्रहरी प्रमुख शैलेश थापा क्षेत्रीलाई प्रहरी प्रधान कार्यालय र प्रहरी प्रवक्ता पोखरेललाई महानगरीय प्रहरी प्रमुखका रुपमा सरुवा गरिएको थियो ।