धनुषा– धनुषामा प्रहरी नायब निरीक्षक(सई) १५ हजार रुपैयाँ घुससहित रंगेहात पक्राउ परेका छन् । धनुषाको धारापानीमा कार्यरत प्रहरी नायब निरीक्षक(सई) १५ हजार रुपैयाँ घुससहित रंगेहात पक्राउ परेका हुन् ।

अख्तियार दुरूपयोग अनुसन्धान आयोग बर्दिबासको टोलीले धारापानीस्थित प्रहरी चौकी यज्ञभूमिमा कार्यरत सई कालीचरण पंजियारलाई १५ हजार रुपैयाँ घुससहित पक्राउ गरेको जनाएको छ ।

दुर्घटनाको मुद्दा मिलाइदिने भन्दै एक स्थानीयसँग घुस लिँदै गर्दा टोलीले उनलाई शुक्रबार साँझ धनुषाको मिथिला नगरपालिका वडा नम्बर ६ ढल्केवर चोकबाट पक्राउ गरेको हो ।

उनलाई आवश्यक कारबाहीको लागि अख्तियार दुरूपायोग अनुसन्धान आयोगको केन्द्रीय कार्यालय काठमाडौं टंगाल पठाइएको छ ।