काठमाडौं – फिफा विश्वकप २०२० तथा एएफसी एसियन कप २०२३ को संयुक्त छनोट अन्तरगत घरेलु खेल अन्तरगतको कुवेतसँगको खेल खेल्न भुटान पुगेको नेपाली राष्ट्रिय फुटबल टोली आज (बिहीबार) स्वदेश फर्किदैछ ।

मंगलबार भएको कुवेतसँगको खेलमा १–० गोलको हार व्यहोरेको नेपाली टोली बिहीबार दिउँसो २ बजेर २० मा काठमाडौं उत्रिने समय तालिका रहेको छ ।

काठमाडौंमा हुनु पर्ने खेल एएफसीले दशरथ रंगशाला खेल्न अयोग्य भनेपछि अखिल नेपाल फुटबल संघ (एन्फा) ले भुटानलाई तटस्थ भूमिका रुपमा छानेको थियो ।

विश्वकप छनोटमा ५ खेल खेलेको नेपालले एक खेलमा जित हात पारेको छ । चाइनीज ताइपेइलाई उसैको घरमा २–० गोलले पराजित गरेको नेपाल अंक तालिकामा चौथो स्थानमा छ ।
समूह बि मा रहेको नेपालको तालिकामा अहिलेसम्म अपराजित रहेको अष्ट्रेलिया १२ अंकसहित शिर्ष स्थानमा रहेको छ ।
अब नेपालले अष्ट्रेलिया, जोर्डन र चाइनीज ताइपेइविरुद्ध काठमाडौंमै खेल्नेछ ।