काठमाडौं– विश्वकप छनोट खेलिरहेको नेपाली राष्ट्रिय फुटबल टोलीले म्यानमार र इङ्ग्लीस सी डिभिजन क्लबसँग मैत्रिपूर्ण खेल खेल्ने भएको छ ।

नेपाली टोलीले म्यानमारको राष्ट्रिय फुटबल टोलीसँग नोभेम्बर ७ मा उसैको घरेलु मैदानमा प्रतिस्पर्धा गर्नेछ । अखिल नेपाल फुटबल संघ (एन्फा)ले आइतबार नेपालले नोभेम्बर १९ मा कुवेतविरुद्ध खेल्नु अघि एक र २०२० मा एक गरी २ अन्तर्राष्ट्रिय मैत्रिपूर्ण खेल खेल्ने जनाएको छ ।

नेपालले नाभेम्बर १९ मा दशरथ रंगशालामा कुवेतविरुद्ध फिफा विश्वकप छनोट २०२२ तथा एएफसी एसियन कप २०२३ अन्तरगतको छनोट खेल खेल्नेछ ।

दोस्रो मैत्रीपूर्ण खेलमा भने २५ मे २०२० मा सि डिभिजन इङ्ग्लिस क्लबसँग खेल्ने जनाएको छ । खेल इङ्ग्ल्यान्डको एल्डरसुट टाउन फुटबल क्लबको मैदानमा हुनेछ ।

छनोटको समूह ‘बी’ मा रहेको नेपालले ४ खेलमा ३ अंक जोडेको छ । नेपाल समूहको चौंथो स्थानमा छ ।