काठमाडौं– नेपाल कम्युनिस्ट पार्टी(नेकपा) का विदेश विभाग प्रमुख माधव कुमार नेपालले समृद्धिको यात्रामा सहयोग गर्न गैरआवासीय नेपाली संघ (एनआरएनए) को नवनिर्वाचित टोलीलाई आग्रह गरेका छन् ।

एनआरएनएको नव निर्वाचित नेतृत्वको स्वागतमा नेकपाको विदेश विभागले आइतवार गरेको कार्यक्रममा नेता नेपालले विदेशमा हासिल गरेको ज्ञान, शिप र पूँजीलाई मातृभूमिको विकाशमा उपयोग गर्नुपर्ने बताए ।

उनले देशको विकास र समृद्धिको यात्रामा सघाउन नवनिर्वाचित पदाधिकारीहरुलाई आग्रह गरेका थिए ।

लगानीको सुरक्षा र प्रतिफलको ग्यारेन्टी गर्न सरकार तयार रहेको बताउँदै एनआरएनहरुका जायज माग पूरा गराउन आफूले पहल गर्ने नेता नेपालको भनाइ थियो ।

कार्यक्रममा एनआरएनएका नवनिर्वाचित अध्यक्ष कुमार पन्तले जन्मभूमिमा लगानी बढाएर विकास र समृद्धिको यात्रामा हातेमालो गर्न आफूहरु तयार रहेको बताएका थिए ।