काठमाडौं-चीन भ्रमणमा रहेका नेपाली कांग्रेस नेता डा.शेखर कोइराला र चीनका उपविदेश मन्त्री लो चाओहुईबीच भेटवार्ता भएको छ ।

भेटमा दुई देशबीचको आपसी भेट तथा सम्बन्ध विस्तारका विषयमा कुराकानी भएको भेटमा सहभागी चीनका लागि नेपाली राजदूत लिलामणि पौडेलले जानकारी दिए ।

चिनियाँ उपविदेश मन्त्री चाओहुईले डा.कोइरालालाई नेपालको संबिधान दिवसको अवसरमा बधाई तथा शुभकामना दिए ।

डा.कोईरालाले नेपाल “एक चीन नीतिमा प्रतिबद्ध” रहेको बताउँदै २ देशबीचको सम्बन्ध थप मजबुद बनाउन पर्ने बताए ।

२ नेताबीचको भेटमा नेपाल-चीन बीचको आपसी हित र निकट भविष्यमा हुन लागेको चिनीयाँ राष्ट्रपती सी जींगपिंगको नेपाल भ्रमणका विषयमा पनि कुराकानी भएको छ ।