काठमाडौं-  प्रधानमन्त्री केपी शर्मा ओलीले हालसम्म कुनै पनि क्षेत्रमा आफ्नो शेयर लगानी नभएको जनाएका छन् । ‘जनतासँग प्रधानमन्त्री’ कार्यक्रममा बोल्दै प्रधानमन्त्री ओलीले हालसम्म आफ्नो कुनै संस्थामा शेयर नभएको जानकारी दिएका हुन् ।

यद्यपि जनताको जलविद्युत कार्यक्रम अन्तर्गत जलविद्युत आयोजनामा लगानी गर्न भने आफू इच्छुक रहेको प्रधानमन्त्री ओलीले बताए । एक करोड नेपालीले पैसा उठाएर जलविद्युतमा लगानी गरे त्यसबाट अर्बाैँ रकम जम्मा हुने भन्दै उनले त्यसमा आफ्नो पनि लगानी हुने जनाएका हुन् ।

‘मलाई कतिको शेयर हुन्छ न्यूनतम थाहा छैन, न्यूनतम त राख्नै पर्ला, या नै मेरो पहिलो शेयर हुनेछ,’ प्रधानमन्त्री ओलीले भने ।
अहिलेसम्म कतै शेयर छैन ? भन्ने प्रश्नमा प्रधानमन्त्री ओलीले आफ्नो कहीँ पनि शेयर नभएको र शेयर तथा अरु निजी सम्पत्तिमा आफ्नो लोभ पनि नभएको जवाफ दिए ।