एजेन्सी– घुस खाएको अभियोगमा चिनियाँ पूर्व प्रधानसेनापतिलाई जन्मकैदको फैसला सुनाइएको छ । पूर्व प्रधानसेनापति फेङ फेङहुईलाई चीनको सैनिक अदालतले घुस प्रकरणमा दोषी ठहर गर्दै जन्मकैदको सजाय सुनाएको हो ।

चीनको समाचार संस्था सिन्ह्वाले जनाएअनुसार उनले जम्मा गरेको ठूलो परिमाणको धनको स्रोत खुल्न नसकेको र उनले घुस खाएको अभियोग प्रमाणित भएको चीनको सैनिक अदालतले फैसला गरेको हो । उनको अवैध सम्पत्ति सरकारले जफत गर्ने जनाइएको छ ।

भ्रष्टाचार प्रकरणपछि उनलाई सन् २०१७ मा कम्युनिष्ट पार्टीको महाधिवेशनले पदबाट च्युत गरिदिएको गरिदिएको थियो । यस्तै किसिमको भ्रष्टाचार प्रकरणमा मुछिएका अर्का वरिष्ठ सैन्य अधिकारी जाङ याङ्ले सन् २०१७ मा आत्महत्या गरेका थिए ।