गुवाहाटी– ‘डा टी आओ फुटबल च्याम्पियनसिप’अन्तर्गतको पहिलो खेलमा अखिल नेपाल पुटबल संघ (एन्फा) यु–२१ टोली पराजित भएको छ ।

उत्तर पूर्वीय प्रदेश मेघालयविरुद्धको खेलमा नेपाल २–३ ले पराजित भएको हो ।

खेलको १५ औं मिनेटमा रोबर्ट खोङ्गको गोलबाट मेघालयले अग्रता लिएको थियो । नेपालका तर्फबाट रेजिन सुब्बाले ३८ मिनेटमा गोल गर्दै खेल बराबरीमा ल्याए पनि दोस्रो हाफपछि नेपालले दुई गोल खायो ।

मेघालयका लागि सइबुर नंगरुमले खेलको ७६ औं मिनेटमा दोस्रो गोल गरे भने इन्जुरी टाइमको ९३ औं मिनेटमा फिगो सेन्डियाले तेस्रो गोल गरे ।

इन्जुरी टाईममा मेघालयका खेलाडीको डिबस्क भित्र ‘ह्यान्ड’ गरेपछि प्राप्त पेनाल्टीलाई नेपालका प्रिजन तामाङले गोलमा परिणत गरेपनि टिमलाई जीत दिलाउन सकेनन् ।

एन्फा यु–२१ को टोलीले अर्को खेल बिहीवार भारतीय राज्य त्रिपुरासँग खेल्ने छ ।