मुम्बई – हालै अक्षय कुमारको प्रतीक्षित फिल्म ‘लक्ष्मी बम’ को पहिलो लूक सार्वजनिक गरिएको थियो । पोस्टरमा अक्षयको लूक देखेर यो फिल्मको चर्चा चल्न थालेको थियो । सन् २०२० मा रिलिज हुने यो फिल्मको चर्चा हुँदै गर्दा निर्देशकले फिल्म छोडेका छन् ।

यो फिल्मका निर्देशक राघव लोरेन्सले फिल्म छोडेका हुन् । उनले सामाजिक सञ्जालमा एक नोट शेयर गर्दै फिल्म छोडेको जानकारी गराएका हुन् । राघवले लेखे, ‘प्रिय साथी र फ्यान, यो दुनियाँमा पैसाभन्दा आत्मसम्मानले मान्यता राख्छ, मैले ‘कञ्चना’ को रिमेक ‘लक्ष्मी बम’ बाट बाहिर भएको निर्णय गरेँ ।’

यो नोटसँगै उनले तमिल कहावत पनि लेखेका छन् । उनले लेखेका छन्, ‘जुन घरमा तपाईंको इज्जत हुँदैन, त्यहाँ जानुहुँदैन, मैले एउटा मात्र कारण बताउन चाहन्न किनकि त्यहाँ धेरै कारण छन् ।’

राघबलाई यो फिल्मको फस्ट लूक मन नपरेको पनि बताइएको छ । उनले बिना जानकारी फिल्मको फस्ट लूक सार्वजनिक गरिएकोमा आफ्नो असहमति प्रकट गरेका छन् । निर्देशकलाई नै रिलिज मिति थाहा हुन्छ भने त्यो निकै दुःखको कुरा भएको उनले बताए । निर्देशक राघवले यो फिल्मको पोस्टर आफूलाई मन नपरेको पनि उल्लेख गरे ।