फ्रान्स तथा पेरिस सेन्ट जर्मन (पीएसजी) का स्ट्राइकर केलियन एमबाप्पे ‘प्लेयर अफ दि इयर’ अवार्डबाट सम्मानित भएका छन् ।

फ्रान्सेली लिग वानमा यस सिजनमा उत्कृष्ट प्रदर्शन गरेका एमबाप्पेले युनियन नेसनल डी फुटबलर्स प्रोफेसनल्स (युएनएफपी) ले प्रदान गर्ने प्लेयर अफ दि इयर अवार्ड जितेका हुन् ।

युएनएफपीले एम्बाप्पेलाई आइतबार राति अवार्ड प्रदान गरेको हो । यस्तै, एमबाप्पेले ‘वर्ष युवा खेलाडी’को अवार्ड समेत हात पारेका छन् ।

पीएसजीलाई लिग वानको उपाधि दिलाउन मुख्य भूमिका खेलेका एम्बाप्पेले लगातार तेस्रो सिजन वर्ष युवा खेलाडीको अवार्ड जिते ।

एमम्बाप्पेले यो सिजनमा लिग वानमा सर्वाधिक ३० गोल गरे । अवार्ड पाएका एम्बाप्पेले आफ्नो लागि सबैभन्दा खुसीको क्षण भएको बताए । ‘यो मेरा लागि निकै महत्वपूर्ण क्षण हो । जुन मेरो करियरका लागि पहिलो वा दोस्रो टर्निङ पोइन्ट हो जस्तो लाग्छ,’ उनले भने,‘मैले यहाँ धेरै कुरा पाएको छु । यो सफलतासँगै मैले अझै धेरै जिम्मेवारी बढे जस्तो लागिरहेको छ ।’