दिशा पटानी बलिउड अभिनेत्रीमध्ये चर्चामा आइरहने नायिका हुन् । यी नायिकाको रुपको पनि खुबै चर्चा हुने गर्छ । सामाजिक सञ्जालमा तस्वीर अपडेट गर्दा पनि उनी भाइरल हुने गर्छिन् । उनले फिटनेस रहनमा पनि उत्तिकै रुचि देखाउँछिन् ।

अहिलेकी हिट नायिका सुन्दरी पनि देखिन्छिन् । तर, यी क्युट नायिका पहिले कस्ती थिइन् त ? केही तस्वीर हेर्दा लाग्छ, यी दिशाका तस्वीर नै होइनन् ।

दिशाका पुराना तस्वीर सामाजिक सञ्जालमा थिए । यी तस्वीरमा दिशा आजकी जस्ती देखिँदैनथिन् । उनी बिल्कुलै फरक देखिन्थिन् ।

केही तस्वीरमा त दिशा नै हुन् र ? भनेर फ्यानले प्रश्न पनि गरेका छन् । दिशा आज जति हट देखिन्छिन् । पुराना तस्वीरमा उनी उत्तिकै क्युट देखिन्छिन् ।

यी अभिनेत्रीले क्रिकेटर एम एस धोनीको बायोपिक फिल्म ‘एम.एस. धोनी – द अनटोल्ड स्टोरी’ बाट बलिउडमा डेब्यु गरेकी थिइन् । उनी अहिले हिट नायिकामा गनिन्छिन् ।

पछिल्लो समय दिशाको नाम टाइगर श्राफसँग जोडिएर आउने गर्छ । यी दुईले फिल्म ‘बागी २’ मा एकसाथ काम गरेका थिए । यो फिल्मबाट दिशाले पनि खुबै चर्चा कमाएकी थिइन् ।