आतंकवादी संगठन इस्लामिक स्टेट लडाकुले सिरियाली सरकार समर्थित लडाकुविरुद्ध आक्रमण गर्दा २७ जनाको ज्यान गएको छ ।

सिरियाको मध्य भागमा रहेको होम्स प्रान्तको मरुभूमीय क्षेत्रमा भएका आक्रमणमा सिरियाली सेनाका ४ सैनिक सहित सरकार समर्थित २७ लडाकुको ज्यान गएको बेलायत रहेर सिरियाली युद्धको अनुगमन गर्दै आएको सिरियन अब्जरभेटरी फर ह्युमन राइट्स नामक संस्थाले जनाएको छ ।

उक्त आक्रमणमा इस्लामिक स्टेटका ६ लडाकुको पनि मृत्यु भएको सिरियन अब्जरभेटरी फर ह्युमन राइट्सले जनाएको छ ।
पछिल्लो समय सिरियामा इस्लामिक स्टेट पराजित भएको बताइएपनि इस्लामिक स्टेटको पछिल्लो आक्रमणले सबैलाई अचम्ममा पारेको बताइएको छ ।

पछिल्लो समय सिरिया र इराकमा यसअघि आफ्नो कब्जामा रहेको भूभाग गुमाएपनि हाल इस्लामिक स्टेटका लडाकुहरु मरुभूमि तथा अन्य दुर्गम क्षेत्रमा रहेर छापामा आक्रमण गर्दै आएका छन् ।