काठमाडौं- देव विकास बैंक नारायणपुर शाखाबाट १८ करोड रुपैयाँ हिनामिना भएको मुद्दाका अभियुक्तमध्ये सञ्चालक समितिका पाँच जना जनही १२ लाख धरौटीमा छुटेका छन् ।

बैंकको १८ करोड हिनामिना प्रकरणमा मुछिएका एक जना बैंक सञ्चालक समिति सदस्य अझै पनि फरार रहेका छन् । हालसम्म २३ जना धरौटीमा छुटेका छन् ।

उच्च अदालत तुलसिपुरका शाखा अधिकृत मानबहादुर विष्टले ६ जना बैंक सञ्चालकहरुलाई बैंक हिनामिनामा मुद्धा दायर भएकोमा पाँच जना बैंक सञ्चालक अदालतमा उपस्थित भएर धरौटीमा छुटेको जानकारी दिए ।

बैंक सञ्चालक समितिका अध्यक्ष ओमभक्त बुढाथोकी, सदस्यहरु अर्जुन बुढाथोकि, निर्मल देवकोटा, वेगमबहादुर भण्डारी, शेषमणि गौतम जनही १२ लाख धरौटीमा छुटेका हुन् ।