काठमाडौं– संविधान दिवसको अवसर पारेर सरकारले शुक्रबार सार्वजनिक बिदा दिने भएको छ ।

२०७२ असोज ३ गते संविधान जारी भएको अवसरमा शुक्रबार सरकारले सार्वजनिक बिदा दिने निर्णय गरेको हो । संविधान दिवसका असरमा शुक्रबार विभिन्न कार्यक्रमको आयोजना गरिँदैछन् ।

बिहीबार सरकारका प्रवक्ता गोकुलप्रसाद बाँस्कोटाले मन्त्रिपरिषद् बैठकका निर्णय सार्वजनिक गर्दै संविधान दिवसका दिन हनुमानढोका, पाटन र राष्ट्रिय संग्रहालय प्रवेशमा शुक्रबार शुल्क नलाग्ने जानकारी दिए ।

यस्तै, सरकारले २८२ कैदीलाई माफी दिन राष्ट्रपति समक्ष सिफारिस गर्ने निर्णय गरेको छ।

नेपालको संविधानको २०७६ र मुलुकी फौजदारी कार्यविधि संहिता २०७४ बमोजिम भीमबहादुर शेर्पासमेत २८२ जना कैदीहरुको कैद, दण्ड जारीवाना, बिगो र सर्वश्वसहितको बाँकी कैद सजाय माफी दिने सम्बन्धमा सम्मानीय राष्ट्रपतिसमक्ष सिफारिस गर्ने निर्णय गरिएको प्रवक्ता बाँस्कोटाले बताए ।