काठमाडौं– नेपाल सरकारको अनुरोधमा भारतको फरिदावाद शहरमा ‘सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण’ सम्बन्धी विशेष तालिम शुरु भएको छ ।

सोमबारबाट भारतको फरिदावाद शहरस्थित ‘नेशनल एकेडेमी अफ कस्टम्स, इनडाइरेक्ट ट्याक्सेस एण्ड नार्कोटिक्स’ मा ६ दिने तालिम शुरु भएको हो ।

‘भारतीय प्राविधिक तथा आर्थिक सहकार्य कार्यक्रम’ अन्तर्गत भारत सरकारको सहयोगमा सञ्चालन गरिएको तालिममा २० नेपाली अधिकारीको सहभागिता छ ।

यस अन्तर्गत नेपालका विभिन्न नियामक निकायका कूल ६० अधिकारीहरुलाई तालिम दिइनेछ । उक्त तालिमको हरेक चरणमा २० अधिकारी सहभागी रहने तथा अन्य चरणका तालिमहरु आगामी अक्टोबर र डिसेम्बरमा सञ्चालन हुनेछ ।

यस कार्यक्रमले नेपालका सम्बन्धित निकायहरुको सम्पत्ति शुिद्धकरण तथा आतङ्कवादी क्रियाकलापमा वित्तीय लगानी निवारण सम्बन्धी मामिलामा क्षमता अभिविृद्ध गर्ने अपेक्षा गरिएको छ ।