फ्रान्सको च्याम्पियन पेरिस सेन्ट जर्मेन (पीएसजी) ले गए राति भएको लिग वानको खेलमा रेनेससँग अप्रत्यासित हार व्यहोरेको छ । रेनेसको घरेलु मैदानमा भएको खेलमा पाहुनाा टोली पीएसजी २–१ गोल अन्तरले पराजित भएको हो ।

युवा स्टार किलियन एमबाप्पे, इडिन्सन काभानी र एन्जल डि मारियाले अग्रपङ्ती सम्हालिरहँदा पनि पीएसजीले हार व्यहोर्नु पर्‍यो  । खेलको ३६ औं मिनेटमा इडिन्सन काभानीले गोल गर्दै पीएसजीलाई अग्रता दिलाएका थिए त्यसको ठीक ९ मिनेट पछि अर्थात ४४ औं मिनेटमा पीएसजीविरुद्ध रेनेसका एम्बाय निआङले गोल गर्दै खेल १–१ गोलको बराबरीमा पुर्‍याएका थिए ।

पहिलो हाफमा १–१ बराबरी सकिएको खेलको ४८ औं मिनेटमा रेनेसका रोमाइन डेल क्यास्टील्लोले उत्केष्ट गोल गर्दै पीएसजीलाई २–१ ले पछि पारेका थिए ।

दोस्रो हाफको शुरुवातमै २–१ को अग्रता बनाएको रेनेसविरुद्ध पीएसजीले गोल फर्काउन नसक्दा पराजित हुनु पर्‍यो  । पीएसजीले लिग वानको यो सिजनको शुरुवाती २ खेलमा १ मा जीत र १ मा हार व्यहोरेको छ । रेनेसविद्धको खेलमा स्टार खेलाडी नेयमार मैदान उत्रिएका थिएनन् ।