काठमाडौं – ‘रेस’ सिरिजमा नेगेटिभ भूमिका निभाएका बलिउड अभिनेता अनिल कपूर छिट्टै नै मुख्य भूमिकामा खलनायकको भूमिका निभाउने भएका छन् ।

भारतीय मिडियाका अनुसार आदित्य राय कपूर र दिशा पटानी स्टारर एक्सन थ्रीलर फिल्ममा अनिललाई नकारात्मक भूमिकामा देखिने भएको हो ।

मुम्बई मिररका अनुसार फिल्ममा अनिल कपूरको नगेटिभ भूमिका रहनेछ । यो फिल्मको शूटिङ मार्चबाट शुरु हुनेछ । फिल्मलाई गोवा तथा मुम्बई लगायतका स्थानमा छायांकन गरिनेछ ।

यस वर्षको अन्तिमसम्म रिलिज गरिने तयारी भए पनि अहिले भने फिल्म प्री–प्रोडक्सनका क्रममा छ । ‘आशिकी २’ को सफलतापछि निर्देशक मोहित सुरीले यो फिल्मको निर्देशन गर्ने भएका छन् । फिल्ममा कुनाल खेमुको पनि अभिनय रहने जनाइएको छ ।