काठमाडौं– राजधानीको चावहिलबाट करिब ३५ लाख नगदसहित ३ जना पक्राउ परेका छन् । पक्राउ परेकाहरु हुण्डी कारोबारी रहेका जनाइएको छ ।
प्रहरीका अनुसार पक्राउ पर्नेमा जगत खड्का, अर्जुन राई र सुनिल राई छन् ।
महानगरीय प्रहरी परिसर काठमाडौं र प्रहरी बृत्त गौशालाबाट खटिएको टोलीले ३४ लाख ८९ हजार रुपैयाँ नगदसहित ३ जनालाई पक्राउ गरेको हो ।
पक्राउ परेकाहरु नेपालबाट दुबई रकम पठाउने तथा दुबईबाट नेपाल ल्याउने कार्यमा संलग्न रहेका पाइएको छ ।
महानगरीय प्रहरी परिसर काठमाडौंका प्रमुख एसएसपी उत्तम सुवेदीले पक्राउ परेकाहरुमाथि थप अनुसन्धान भइरहेको जानकारी दिए ।
प्रतिक्रिया