दाङ– दाङको सरस्वती सामुदायिक वनमा शुक्रबार बिहान लागेको आगो नियन्त्रणमा आएको छ ।  शान्तिनगर गाउँपालिका वडा नम्बर ४ स्थित सरस्वती सामुदायिक वनमा शनिबार बिहान आगो लागेको गाँउपालिका अध्यक्ष कमानसिंह डाँगीले जानकारी दिए ।

गाँउपालिका कार्यालय र चिरीयाघार बजारदेखि झण्डै डेढ सय मिटर पश्चिम तर्फको दूरीमा रहेको उक्त सामुदायिक वनमा बिहान ५ बजेतिर आगो लागेको जानकारी स्थानीयले गाँउपालिकाका अध्यक्ष डाँङीलाई गरेका थिए ।

सामदायिक वनमा आगलागी भएको सूचना गाउँपालिकाका अध्यक्ष डाङ्गीले प्रहरी चौकी चिरीयाघाट दिएपछि प्रहरी र स्थानियले आगोलाई नियन्त्रणमा लिएका शान्तिनगर गाँउपालिकाले जनाएको छ ।

प्रहरी सहायक निरीक्षक शेरबहादुर थापाको नेतृत्वमा खटिएको नेपाल प्रहरीको टोली, उक्त सामुदायिक वनका पदाधिकारी तथा उपभोक्ता र स्थानीयको पहलमा आगोलाई नियन्त्रणमा लिएको र बस्ती तथा मानवीय क्षतिबाट जोखिएको प्रहरी चौकी चिरियाघाटले जनाएको छ ।