काठमाडौं- लिभरपुल फिफा क्लब विश्वकप फुटबलको फाइनलमा प्रवेश गरेको छ ।
कतारको दोहामा बुधबार राति भएको खेलमा मेक्सिकन क्लब मोन्टेरीलाई २-१ गोल अन्तरले पराजित गर्दै लिभरपुल क्लब विश्वकपको फाइलनपमा प्रवेश गरेको हो ।
खालिफा अन्तर्राष्ट्रिय मैदानमा खेलको १२ औं मिनेटमा नेबी केइटाले गोल गर्दै लिभरपुललाई १-० को अग्रता दिलाएका थिए । १४ औं मिनेटमा रोगेलिओ फुनेस मोरीले गोल गर्दै मोन्टेरीलाई १-१ गोलको स्थितिमा ल्याएका थिए ।
तर, खेलको इन्जुरी समयमा रोबर्टो फिर्मिन्होले गोल गर्दै लिभरपुललाई २-१ को जित दिलाए । उपाधिका लागि अब लिभरपुलले फ्लामेन्गोसँग खेल्नेछ ।
प्रतिक्रिया