काठमाडौं– स्पेनिस ला लिगा अन्तर्गत गएराति भएको बार्सिलोना र रियल मड्रिडबीचको खेल गोल गोल रहित बराबरीमा टुंगिएको छ ।

पछिल्लो नतिजाले साविक विजेता बार्सिलोना स्पेनिस लिगको तालिकामा शीर्ष स्थानमा यथावत छ ।
गोल अन्तरका आधारमा रियल मड्रिड दोस्रो स्थानमा छ । दुवै क्लबले १७ खेलबाट समान ३६ अंक जोडेका छन् ।

दुवैले तेस्रो स्थानको क्लब सेभिल्लासंग स्पष्ट ५ अंकको अग्रता लिएका छन् ।

खेलका दुवै टिमले गोल गर्ने मौका पाए पनि गोल गर्न सकेनन् । १७ औं मिनेटमा रियलका क्यासमिरोको हेड बललाई जेरार्ड पिकेले गोल लाईनबाट हटाएका थिए । दोस्रो हाफमा ग्यारेथ बेलको गोल गरे पनि रेफ्रीले उक्त गोल अफसाईड दिएका थिए ।

ला लिगामा १ सय ७९ औ भेट अक्टोबर २६ मा तय थियो । तर क्याटलोनियामा भएको राजनीतिक प्रर्दशनलाई लक्षित गर्दै एल क्लासिको सारिएको थियो ।