झापा- झापाको क्षेत्र नं १ मा जनता आवास कार्यक्रम शुरु भएको छ । प्रदेश नं १ सरकारको जनता आवास कार्यक्रमअन्तर्गत कार्यक्रम शुरु भएको हो ।

झापा क्षेत्र नं १ का सांसद राम कार्कीका अनुसार रु एक करोड ८२ लाख ६० हजारको लागतमा ५५ घर निर्माण गरिनेछ ।

प्रतिघरको लागत रु तीन लाख रहेको छ । सरकारले सूचीकृत गरेका जातजाति दलित, अल्पसङ्ख्यक, लोपोन्मुखमध्ये बाट पनि अतिविपन्न परिवार छनोट गरी घर निर्माण गरिने प्रदेशसभा सदस्य गोपालचन्द्र बुढाथोकीले जानकारी दिए ।

झापा क्षेत्र नंं १ अन्तर्गत बुद्धशान्ति गाउँपालिका–४, ६ र ७ मा १६ परिवार, मेचीनगर नगरपालिका–३, ७, ९, ११, १३ र १५ का ३३ परिवार तथा भद्रपुर नगरपालिका–९ र १० का ६ परिवारका लागि घर निर्माण गरी यसै आर्थिक वर्षभित्र हस्तान्तरण गरिने बताइएको छ ।