भेनिस– इटालीको भेनिस शहरमा एक विद्युतीय डुङ्गा दुर्घटना हुँदा ३ जनाको ज्यान गएको छ । भेनिस शहरमा तीब्र गतिको डुङ्गा दुर्घटना भएको हो ।

तीब्र गतिमा कीर्तिमान राख्न भेनिस शहको जलक्षेत्रमा चलाइएको डुङ्गा कृत्रिम चट्टानमा ठोकिएर दुर्घटनामा परेको अधिकारीले जनाएका छन् ।

मोनाकोबाट भेनिससम्म तीब्र गतिमा डुङ्गा चलाएर कीर्तिमान राख्ने क्रममा दुर्घटनामा परेको डुङ्गाको गति १ सय किलोमिटर प्रतिघण्टा रहेको जनाइएको छ । दुर्घटना हुने क्रममा डुङ्गा १८ घण्टा ३० मिनेटभन्दा लामोसमय चलाइएको थियो ।

मृत्यु हुनेमा दुई बेलायती नागरिक समेत रहेको अन्तर्राष्ट्रिय सञ्चारमाध्यमले जनाएका छन् । डुङ्गामा सवार अर्का व्यक्ति भने बाच्न सफल भएका छन् ।