काठमाडौं– आगामी तीन दिन देशभर वर्षा हुने जल तथा मौसम विभागले पूर्वानुमानगरेको छ ।

हाल मनसुनी न्यून चापीय रेखा को पश्चिमी भाग औसत स्थानको आसपासमा रहेको र पुर्वी र मध्य भाग औसत स्थान भन्दा थोरै उत्तर तर्फ रहेको महाशाखाले जनाएको छ । बंगालको खाडिबाट अएको जलवाष्प युक्त हावाको प्रभावका कारण देशभर मनसुनी गतिबिधि बढिरहेको विभागले जनाएको छ ।

विभागका अनुसार हाल देशका अधिकांस भूभागहरुमा सामान्य देखि पूर्ण बदलि भई केहि स्थानहरुमा मेग गर्जन सहित हल्का देखि मध्य वर्षा भइरहको छ । यो क्रम शुक्रवारसम्म जारी रहेन अनुमान गरिएको छ ।

मौसमविद्हरुले आज काठमाडौं र देशको अधिकांश स्थानमा पानी पर्ने सम्भावना रहेको जनाएका छन् ।

आगामी तीन दिनको मौसम पूर्वानुमान

असोज ०१ गते (बुधबार)

दिउँसो: देशभरी सामान्य देखि पुर्ण बदली रही पश्चिम तथा मध्य भुभागका धेरै स्थानमा र बाँकी भू-भागहका केही स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ। देशका थोरै स्थानहरुमा भारी वर्षाको सम्भावना छ।

राती: देशको पश्चिमी तथा मध्यमा सामान्य देखि पुर्ण बदली र पूर्वी भू-भागमा सामान्य बदलि रही मध्य र पश्चिमका धेरै स्थानहरुमा तथा पुर्वका केहि स्थानहरुमा मेघ गर्जन/चट्टयांग सहित मध्यम वर्षा हुनेछ। पश्चिमका एक/ दुइ स्थानमा भारी वर्षाको सम्भावना छ।

असोज ०२ गते (बिहिबार)

दिउँसो: देशभरी आंशिक देखि सामान्य बदली रही मध्य र पश्चिमका केही स्थानहरुमा र पूर्वका थोरै स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ।

राति: देशभरी आंशिक देखि सामान्य बदली रही मध्य र पश्चिमका केही स्थानहरुमा र पूर्वका थोरै स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ ।

असोज ०३ गते (शुक्रबार)

दिउँसो: देशभरी आंशिक देखि सामान्य बदली रही थोरै स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ।

राति: देशभरी आंशिक देखि सामान्य बदली रही मध्य र पश्चिमका केही स्थानहरुमा र पूर्वका थोरै स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ।

आगामी २४ घण्टाका लागि चेतावनी तथा परामर्श

देशका मध्य र पश्चिमका धेरै स्थानहरुमा तथा पुर्वका केहि स्थानमा मेघ गर्जन/चट्टयांग सहितको वर्षा हुने साथै देशका थोरै स्थानहरुमा भारी वर्षाको सम्भावना रहेकोले पहिरो जान सक्ने तथा नदिहरुमा पानीको वहाब बढ्न सक्ने भएकोले सडक र हवाई यातायातमा सामान्य अवरोध आउन सक्ने हुनाले सतर्कता अपनाउनु हुन विभागले अनुरोध गरेको छ ।