एजेन्सी– चेल्सी च्याम्पियन्स लिग फुटबलको नयाँ सिजनको पहिलो खेलमै पराजित भएको छ ।
घरेलु मैदान स्टामफोर्ड ब्रिजमा गएराति भएको खेलमा चेल्सी स्पेनिस क्लब भ्यालेन्सियासँग १–० गोल अन्तरले पराजित भएको हो ।
भ्यालेन्सियालाई जिताउन रोड्रिगोले ७४ औ मिनेटमा गोल गरेका थिए ।
चेल्सीले फर्ममा रहेका खेलाडी मेसन माउन्टलाई चोटका कारण सुरुवातमै गुमाउन पुग्यो । खेल सकिन चार मिनेट अगाडी पेनाल्टीमार्फत खेलमा फर्कने अवसर पाएको चेल्सी पेनाल्टीमा चुक्यो ।
वैकल्पिक खेलाडीको रुपमा मैदान छिरेका बार्कली गोल गर्न असफल रहे । नियमित रुपमा पेनाल्टी प्रहार गर्ने जोर्गिन्हो र विलियनलाई सो अवसर दिइएको थिएन।
प्रतिक्रिया