रामकुमार श्रेष्ठ

नवलपरासी–पूर्वी नवलपरासीको अरुणखोलामा आएको बाढीले डाइभर्सन बगाए पछि सडक अवरुद्ध भएको छ । सडक अवरुद्ध हुँदा महेन्द्र राजमार्ग हुँदै चल्ने सयौं सवारीसाधन अलपत्र परेका छन् ।

लगातारको वर्षाले नदीमा पानीको सतह बढेपछि नदीमा बनाइएको डाइभर्सन समेत बगेको छ ।

महेन्द्रराजमार्गको अरुणखोला पुल भाचिएका कारण बनाइएको डाइभर्सन सडक भन्दा माथिवाट खोलाको बाढी बग्न थाले पछि महेन्द्र राजमार्गको यातायात ठप्प भएको छ ।

आइतवार साँझ ५ बजेपछि लगातारको वर्षादका कारण अरुणखोलामा पानीको सतह बढेपछि गाडी बगाउने जोखिम हुन नदिन डाइभर्सनमा गाडी गुडाउन रोक लगाएको हो ।

जिल्ला ट्राफिक प्रहरीका अरुणखोलामा खटिएका सई राजेन्द्र कुमार कार्कीले दिएका अनुसार सांझ साढे ५ बजे पछि यातायात रोकिदा महेन्द्र राजमार्ग हुदै पुर्वपश्चिम हिडेका सयौं सवारीसाधन अरुणखोलाको पुर्व पश्चिम अलपत्र परेका छन् ।

पानीको सतह पुरै नघटेसम्म बाढीले गाडि बगाउने जोखिमहुने त्रासले यातायात संचालन हुन नदिने उनले जानकारी दिए । पानीको सतह पुरै घटेपछि अवस्था हेरेर यातायात खुलाइने उनले सुनाए ।

५ दिन अघि अरुणखोला पुलमा गाडी ठोक्किएका कारण पुल भाचिए पछि ३ दिन लगाएर बैकल्पिक सडक बनाएर आवगम नखुलाइएको थियो । हयूम पाइप राखेर बनाएको कच्चि डाइभर्सन सडक भन्दा माथिवाट पानी बगेपछि फेरी राजमार्ग अबरुद्ध भएको हो ।