काठमाडौं- बोरुसिया डर्टमण्डले जर्मन बुन्डेस लिगा फुटबलमा सुख‍त सुरुवात गरेको छ । शनिबार भएको खेलमा बोरुसिया डर्टमण्डले अग्स्बर्गलाई ५-१ गोल अन्तरले पराजित गर्‍यो ।

घरेलु मैदानमा सुरुवाती एक गोलले पछि परेपनि डर्टमण्डले पुनरागमन गर्दै शानदार जित निकाल्यो । अग्स्बर्गका फ्लोरियनले गोल गर्दै टोलीलाई अग्रता दिलाएका थिए ।

तर, पुनरागमन गरेको डर्टमण्डको जितमा पाको अल्कासरले दुई गोल गरे । यस्तै जाडोन सान्चो, मार्को रिउस र जुलियन ब्राण्डटले एक एक गोल गरे ।

जितसँगै डर्टमण्डले १ खेलबाट ३ अंक जोडेको छ । अग्स्बर्गले भने हारबाट सिजनको सुरुवात गरेको छ । बुन्डेस लिगा अन्तर्गत नै फेरिबर्गले मैन्जलाई ३-० गोल अन्तरले हराएको छ ।