काठमाडौं- कर्मचारी हत्याको आरोपमा पक्राउ परेका उत्तम सञ्जेल धरौटीमा छुटेका छन् ।

१०० रुपैयाँमा शिक्षा दिन सकिन्छ भन्ने अभियानका साथ समता स्कुल चलाएर चर्चामा आएका सञ्जेल आफ्नै अस्पतालमा कार्यरत एक कर्मचारीको हत्या आरोपमा सञ्जेल पक्राउ परेका थिए ।

मृतकका आफन्तले सञ्जेल परिवारमाथि नै आरोप लगाएपछि उनलाई प्रहरीले नियन्त्रणमा लिएको थियो । हिरासतमा रहेका उनलाई जिल्ला अदालत काठमाडौंले ३ लाख रुपैयाँ धरौटीमा छाड्ने आदेश दिएको हो ।

समता अस्पतालमा सफाइको काम गर्ने विमला तामाङको शव असार ३ मा झुन्डिएको अवस्थामा भेटिएको थियो। त्यसपछि प्रहरीले सञ्जेल दम्पतीलाई पक्राउ गरी अनुसन्धान थालेको थियो। पोष्टमार्टममा झुन्डिएकै कारण मृत्यु भएको रिपोर्ट आएको थियो।

रहस्यम रूपमा मृत्यु भएको देखिएपछि सञ्जेल दम्पत्तिलाइ पक्राउ गर्न जनदवाब बढेको थियो। प्रहरीले सञ्जेल पत्नीलाई ज्यान मुद्दा चलाएको थियो। पर्याप्त प्रमाण नभएपछि उनीहरु धरौटीमा छुटेका हुन् ।