काठमाडौं– नेपाली कांग्रेसले प्रधानमन्त्री केपी शर्मा ओलीको अभिव्यत्तिप्रति आपत्ति जनाउँदै सभामुखले संसदीय भूमिका निर्वाह गर्न नसकेको आरोप लगाएको छ ।

संसदको घटना, प्रधानमन्त्रीको अभिव्यक्ति र विधेयकहरुबारे प्रेस विज्ञिप्ति जारी गर्दै कांग्रेसले सभामुखबाट ‘प्रधानमन्त्रीको लाचार छायाँ’को भूमिका प्रस्तुत गरिनु दुखद् भएको आरोप लगाएको हो । प्रधानमन्त्रीले सडकका आवाजलाई ‘लोकतन्त्र विरोधी’को संज्ञा दिनु आपत्तिजनक भएको कांग्रेसले विज्ञप्तिमाफर्त जनाएको छ ।

सरकारद्वारा प्रस्तुत गुठी र मिडिया काउन्सिल लगायतका विधेयकविरुद्ध व्यापक आवाज उठिरहेको सन्दर्भमा संसदमा प्रधानमन्त्रीले सम्बोधन गर्नुपूर्व प्रतिपक्षी नेताहरुले ती विषय उपर आम नागरिकको भावना राख्न चाहानु स्वभाविक भएको कांग्रेसको ठहर छ ।

विज्ञप्तिमा भनिएको छ– ‘विपक्षी स्वरलाई म सुन्न चाहन्छु भन्ने लोकतान्त्रिक व्यवहार न त प्रधानमन्त्री बाट प्रस्तुत भयो न त सरकार बहुमतको संसद प्रतिपक्षी’को भन्ने मान्यतालाई सभामुखबाट कार्यान्वयन हुन सक्यो ।’

गुठी विधेयक फिर्ता लिएको घोषणा गरिए पनि आम जनताको खबरदारी जारी रहनुपर्ने कांग्रेसले जनाएको छ ।

यस्तो छ विज्ञप्ति