१० जना यात्रु बोकेको जीप कर्णालीमा खस्यो

३ असार २०७६, मंगलबार

पढ्न लाग्ने समय : < 1 मिनेट

फाइल तस्वीर

हुम्ला– हुम्लामा यात्रुवाहक जीप कर्णाली नदीमा खसेर बेपत्ता भएको छ ।

हुम्लाको खार्पुनाथ गाउँपालिकाअन्तर्गत कैलाबालुबाट यात्रु बोकेको जीप कर्णाली नदीमा खसेको जिल्ला प्रहरी कार्यालय हुम्लाले जनाएको छ ।

प्रहरीका अनुसार खार्पुनाथ गाउँपालिकाको केन्द्रतर्फ जाँदै गरेको लु१ज ७१६६ नम्बरको जीप कर्णालीमा खसेको हो ।

स्थानीयका अनुसार जीपमा चालकसहित १० जना यात्रु सवार थिए । यद्यपि प्रहरीले भने जीपमा सवार यात्रुको विषयमा एकिन नभएको जनाएको छ ।

प्रकाशित मिति : ३ असार २०७६, मंगलबार ३ : ३१ बजे

प्रतिक्रिया