काठमाडौं-कोपा अमेरीकाको पहिलो खेलमा अर्जेन्टिना पराजित भएपछि अर्जेन्टाइन लिजेन्ड्री डियगो म्याराडोनाले टोलीको आलोचना गरेका छन् । म्याराडोनाले टीवाईसी स्पोट्स च्यानलसँगको कुराकानीमा टोलीको आलोचना गरेका हुन् ।

उनले यतबेला मेस्सीलाई फिफा वरियतको जुनसुकै टोलीले पनि अर्जेन्टिनालाई हराउन सक्ने भन्दै ब्याङ्ग गरेका छन् । कोपा अमेरीकामा कोलम्बियाविरुद्धको पहिलो खेलमा अर्जेन्टिना २–० गोल अन्तरले पराजित भएको थियो । कोपा अमेरीकाको पहिलो खेलमा अर्जेन्टिना सन् १९७९ पछि पहिलो पटक पराजित भएको हो ।

म्याराडोनाले टोलीको मात्रै आलोचना गरेन् अर्जेन्टिनाको फुटबल महासंघको पनि आलोचना गरेका छन् । उनले अनुभव नभएका लियोनल स्कालोनिलाई राष्ट्रिय टोलीको प्रशिक्षक बनाउनु नै महासंघको गल्ती भएको उल्लेख गरेका छन् ।

उनले खेलाडीहरुलाई राष्ट्रिय टोलीको जर्सीको महत्व बुझ्नु पर्ने बताएका छन् । यो सिजनमा अर्जेन्टिना २५ वर्ष लामो उपाधि खडेरी तोड्ने योजनामा छ । कोपा अमेरीकामा अर्जेन्टिनाले दोस्रो खेल बुधबार पाराग्वेसँग खेल्दैछ ।