काठमाडौं – फ्रान्स तथा पेरिस सेन्ट जमृन (पीएसजी) का स्टार फवार्ड किलियन एमबाप्पे पीएसजीमै रहने क्लबका अध्यक्ष नासिर अल खिलिफिले बताएका छन् ।

एमबाप्पे सरुवाको तयारीमा रहेका समाचार बाहिरिरहँदा अध्यक्षले एमबाप्पे क्लबमै रहने बताएका हुन् । २० वर्षीय एमबाप्पे मोनाकोबाट आएको १ वर्षमै क्लबले बेच्न चाहेको चर्चा चलेपछि अध्यक्ष खेलैफिले एमबाप्पे २०० प्रतिशत क्लबबाटै खेल्ने बताएका हुन् ।

यस्तो राम्रो खेलाडीलाई क्लब छाड्न दिँदैन भन्दै उनले भने ब्राजिल स्टार फरवार्डलाई पनि क्लबले छाड्न लागेको भन्ने कुरा हल्ला मात्रै हो ।

फ्रान्स फुटबलसँगको अन्तरवार्तामा उनले भने,‘मलाई यि खेलाडीहरुले क्लबको जर्सीमात्रै लगाइ दिएपनि गर्व लाग्छ । खेल राम्रो नभएपनि उनीहरुले आफुलाई सुहाउने काम गरीदिए पुग्छ ।’

एम्बाप्पेले गएको सिजनमा पीएसजीबाट खेलेका ४३ खेलमा ३९ गोल गेका छन् । एमबाप्पे २०१७ मा लिग वानको बलियो टोली मोनाकोबाट लोनमा आएका थिए ।

एमबाप्पे आफैले पनि अहिले उनी अहिले आफ्नो करियरको टर्निङ पोइन्टमा रहेको बताएका थिए भने अझै क्लबमाथि अझै उत्तरदायीत्व बढ्दै गएको बताएका थिए । तर, पछिल्लो समय उनलाई लिभरपुल र रियल मड्रिडसँग जोडेर पीएसजी छाड्ने तयारीमा रहेको कुराहरु सार्वजनिक भइरहेको थियो ।