काठमाडौं– नेपाल कम्युनिष्ट पार्टीका वरिष्ठ नेता तथा पूर्व प्रधानमन्त्री माधवकुमार नेपालले देश विकाशको निम्ति सबै एक जुट हुनु पर्ने बताएका छन् ।

शनिवार काठमाडौँमा आयोजित एक कार्यक्रममा नेता नेपालले देश बिकाशको लागि नागरिक, संघ—संस्था र सरकार एक साथ जुट्नु पर्ने बताए । उनले नागरिक सुस्त भए सरकार पनि सुस्त हुने बताउँदै विकास निर्माणमा तीन पक्षको महत्वपूर्ण भूमिका हुने बताए ।

कहिले काही धेरै काम गर्ने अपेक्षा गरिएको सरकारले पनि काम गर्न नसक्ने भन्दै सबै पक्षको हातेमालोले ठुला ठुला काम बन्न सक्ने उनको भनाइ थियो ।

पूर्व प्रधानमन्त्री नेपालले सरकारले गरेका कतिपय काम लामो अनुसन्धान र तयारी बिना आएको भन्दै चिन्ता व्यक्त गरे ।

उनले काठमाडौंको विकास समयमा सम्पन्न गर्न र धुलो हटाउनका लागि स्थानीय स्तरमा पनि काम हुनुपर्ने बताए । उनले आफूले गर्न सक्ने काममा सरकारको मुख ताक्न नहुने बताए ।