एजेन्सी– कप्तान लियोनल मेसीले पेनाल्टीमार्फत स्पेनिस महारथी बार्सिलोनाले रियल भाल्लाडोलिडलाई पराजित गरेको छ । ला लीगामा बार्सिलोनाविरुद्ध बलियो उपस्थिति जनाएको भाल्लाडोलिडविरुद्ध बार्सिलोनाले खेलको ४३ औं मिनेटमा गोल गर्‍यो ।

बार्सिलोनाले पाएको पेनाल्टीको उचित सदुपयोग गर्दे मेसीले पहिलो गोल गरे । यो गोलसँगै ४३ औं मिनेटसम्म गोलरहित बराबरी खेलेका टीममा बार्सिलोनाले अग्रता लियो । यहि अग्रतालाई जोगाउँदै भाल्लाडोलिडलाई पराजित गरेको हो ।

योसँगै मेसीले बार्सिलोनाका लागि यो सिजनमा ३० गोल भएको छ । पहिलो पेनाल्टीमा मेसीले गोल गरेपनि ८५ औं मिनेटमा पाएको दोस्रो पेनाल्टीलाई मेसीले गोलमा परिणत गर्न सकेनन् । उनको प्रहारलाई भाल्लाडोलिडका गोलकिपरले उत्कृष्ट बचाउ गरे ।

जीतसँगै बार्सिलोना ५४ अंक सहित ला लीगाको शीर्ष स्थानमा छ । दोस्रो स्थानमा ४७ अंक रहेको एट्लेटिको मड्रिड छ । त्यस्तै ४५ अंकसहित रियल मड्रिड तेस्रो स्थानमा छ ।