काठमाडौं– इंग्लिस प्रिमियर लिग क्लब म्यान्चेस्टर युनाइटेड तथा फ्रान्सका स्टार खेलाडी पाउल पोग्वाका लागि २ सय मिलियन युरो तोकेको छ ।

अहिले क्बल फुटबलमा खेलाडी टिममा आबद्ध गर्ने टोलीबाट रिलिज गर्ने लगायतका काम भइरहँदा युनाइटेडले आफ्ना मिडफिल्डरका लागि २ सय मिलियनको माग राखेको छ ।

स्पेनिस महारथी रियल मड्रिडले आफ्नो टिममा लिने इच्छा देखाइरहेको समाचार सार्वजनिक भइरहँदा युनाइटेडले पोग्वाका लागि २ सय मिलियन माग गरेको स्पेनिस फुटबल पत्रिका मार्काले जनाएको छ ।

प्रि–सिजनको तयारी शुरु गरिसकेका पोग्वाले क्लब छाड्नेबारे जोड भने गरेका छैनन् । तर, उनले यो बीचमा रियल मड्रिड आफ्नो ‘ड्रिम’ क्लब भएको बताउँदै आएका छन् ।

रियलका प्रशिक्षक जिनेदिने जिदानले पोग्वालाई क्लबमा लिने तयारी थालिरहँदा युनाइटेडले माग राखेको छ । तर, युनाइटेडले मागेको मूल्य रियलले दिन्छ वा दिँदैन भन्ने बारे भने कुनै समाचार आएका छैनन् ।