मुम्बई – बलिउड कलाकार पूजा बन्ना र नवाब शाह विवाह बन्धनमा बाँधिएका छन् । उनीहरुका बिहेका तस्वीरहरु यतिबेला भाइरल भइरहेका छन् ।

खासमा ३ तस्वीर सामाजिक सञ्जालमा खुबै शेयर भइरहेका छन् । एक तस्वीरमा नवाज र पूजा सिल्भर लूकमा दखिएका छन् । बाँकी दुई तस्वीर बिहेका हुन् ।

पूजाका तस्वीरमा फ्यानले बधाई दर्शाएका छन् । लामो समयसम्म सिङ्गल रहेकी पूजाको यो दोस्रो बिहे हो । पूजाले सोनु एस आहलुवालियासँग २००३ मा बिहे गरेकी थिइन् । पछि उनले सन् २०११ मा डिभोर्स दिएकी थिइन् ।

यो बिहेलाई लिएर पूजा पहिले चुप थिइन् । तर पछि बिहेका बारेमा पनि बताएकी छिन् ।

उनले आर्य समाज मन्दिरमा गएर बिहे गरेको बताइन् । उनीहरुले आफ्नो बिहे दर्ता पनि गराएका छन् ।

पूजा र नवाज पछिल्लो पाँच महिनादेखि डेटमा थिए । यी दुई एकै क्षेत्रमा भएका कारण भेट भएका थिए । त्यसपछि उनीहरुबीच निकटता बढेको थियो ।